Psalm 23

The sheep-keepin o' the Lord's kind an' canny,

wi' a braw howff at long last;

David keeps his sheep; the Lord keeps David.

A heigh-lilt o' David's.

The Lord is my herd, nae want sal fa' me:

He luts me till lie amang green howes; he airts me 

 atowre by the lown watirs:

He waukens my wa'-gen saul; he weises me roun,

for his ain names sake, intil right roddins.

Na!, tho' I gang thro' the dead-mirk-dail; e'en thar, 

sal I dread ane skaithin:

for yersel are nar-by me; yer stok an' yer stay haud

me baith fu' cheerie.

My buird ye hae hansell'd in the face o' my faes;

ye hae drookit my head wi' oyle;

my bicker is fu' an' skailin.

E'en sae, sal gude-guidin' an' gude-gree gang wi; me,

ilk day o' my livin;

an' evir mair syne, i' the Lord's ain howff,

at lang last, sal I mak bydan.

~Scottish Translation by P. Hately Waddell (1817-1891)

Read this out loud to hear the beauty of this much loved Psalm.